Pinitensya

Sa panahon ng kalungkutan
Nakakalimutan kita
Ang pagkapit sa sumpaan
Ang mga tamis at pagmamahalan

Sa panahon ng kalungkutan
Natatahimik sa kawalang pakialam
Hinahanap ang wala
Sa atin, sa iyo


Ang mga pagkukulang
Hindi ko pa mahingi ang kapatawaran
Hindi pa sumasagi
Ang tamang paraan


Bawasan mo ang bigat
Mahal ko, bawasan mo
Hukayin mo ako sa pighati
Buhatin mo muli ang aking ngiti

Sa panahon ng kalungkutan
Kinalimutan ko ang lahat:
Na ikaw ang huli, ikaw at ako
Ikaw muli, ikaw at ako, tayo

Happy Nanay na ako! 14 weeks

Baby Size: Lemon

Total weight gain/loss: loss 2 lbs

Maternity clothes? Not yet but I should definitely need to buy some. My pants can't handle my furious hips anymore.

Stretch marks? Nope and hoping it stays away from mi belly forever.

Sleep: Can't sleep at night but can't get enough at day. Only thing that wakes me up is the smell of breakfast or lunch.

Miss Anything? A lot! First summer away from sipping an ice-cold beer under the stars, while listening to the waves roll up the beach. But hey, I'm not complaining!

Movement: I get confused if it's a kick or just it's just a very loud heartbeat.

Food cravings: This week I’ve been enjoying peanut butter, raisin bread and buko pandan yogurt. But for the last months I've been pestering my babshe to find me some bistek tagalog, Razon's halo halo, turon, orange, BLT, and the usual Manga at bagoong.

Anything making you queasy or sick: The smell of that fried orange thing they sell in philcoa. Just thinking about it makes me want to throw up!First 3 months, I shiver whenever I smell,eat or saw someone/something that I don't like. Arte!

Gender prediction: Renan think that liit will be a girl. He keeps on telling me that I look more vibrant and beautiful lately. Or he's just being a supportive boyfie.

Labor Signs: No

Belly Button in or out? In

Wedding rings on or off? Secret

Symptoms: My boobs are swelling! I get hungry every 20 minutes.

Happy or Moody most of the time: I cry, I laugh, I get very excited or very cranky. I think my hormones is driving me crazy. :)

Looking forward to: Looking pregnant instead of looking like I ate all the food in our house. Announcing our bundle of joy to the general public! :)

Best moment this week: Being able to buy and cook the food I badly wanted to eat! Hooray for being a housewife! hehehe

lasing si madam

alam mong umiibig kang muli, kapag naramdaman mong lumalabo ang paligid, at unti unting nawawala ang iyong paningin. ganun talaga nakakabulag ang pagibig.
at kapag nawawala na din ang iyong mga senses, pandinig,panlasa at pandama hanggang sa common sense. ang pinipili mo nalang gumana ay ang iyong pagkilala sa kilig at lahat ng masaya. mas madumi pa sa pulitika ang pagibig. mas mabaho, mas nakakasuka pero wala kang magagawa dahil tulad ng mga pulitiko kaya ka nitong paikutin. kaya kang bolahin. bandang huli kapag ninakaw na nito ang yamang pang-isipan, uuwi kang lugi at talunan. hindi ako hater ng pag ibig. mahal ko ang konsepto ng pagibig. pero sawang sawa nako sa mga love quotes at love shit na yan. nagsasawa nakong maniwalang ang pag ibig ay isang paraiso. dahil hindi. masakit, mahirap pero ika nga ng isang kaibigan, its a good pain. masarap parin magmahal. o lasing lang ako ngayong gabi

dahil wala namang nagbabasa

dahil wala namang nagbabasa


Maari kong aminin sayo ang lahat. Maaring ikwento ang muli, kaguluhan ng aking mundo. Pwede ring kaginhawaan sa pag piglas sa dating mundo. Maaring nalulungkot ako. Maaring nanghihinayang. Pero pwede ring hindi lang mapakali. Pwedeng gusto lang damahin ang samu't saring pakiramdam. Maaring hindi lang inaasahan. Pero pwedeng hindi lang talaga napagplanuhan. Maaring handa naman talaga ako. Pero matagal lang bago natuto. Kaya siguro hindi masyado masakit. Kaya siguro wala masyadong hinanakit. Maaring sa umpisa pa lang alam ko na ang mangyayari. Pero pwede ring umibig lang talaga ng matindi

Ang pinagmulan ng tanong

Ang pinagmulan ng tanong

ika-apat na bigwas ng tamis

ika-apat na linggo ng kirot

pagkalagas ng balahibo

pag agos ng likidong pulso

pagkukubli sa likod ng dahong lanta

paghiga sa mga basag na talata

kinumutan ang buong katawan ng tawa

ngunit hindi manakaw ang kupita

hari sa iyong kaharian

litrato mo'y pilit binabalikan

bahagharing iisa ang kulay

bulaklak na walang tangkay

ika-apat na pagtiklop ng buto

ika-apat, ika-lima,

ika-anim na tanong kung kailan hihinto


JUNE 14 2008

Iisang mukha ng Pitong Libong Pulo

Dumausdos na ang piso
Nagliparan pabalik ang mga eroplano
Dala'y kabaong ng libong Angelo
Ngumiti lamang ang pangulo

Hindi na kumatok si Sam
Inubos ang nakahain sa hapagkainan
Dinuraan pa ang bakuran
Habang Pinakekembot ang maraming Marian

Naglipana ang mga litrato ng mga pulitiko
May kalakip na mahalagang anunsyo
"Labanan ang kahirapan,
Kamote'y pagtiisan"

Pinakawalan ni Ding ang bato
Magsasaka'y naging kalburo
Umangal sa platong nakatiwangwang
Subalit sa boxing parin inasa ang kaginhawaan


March 2009

Bulong: matapos ang isang taon

Naagnas ang aking diwa bunsod ng kirot
kirot na dinulot ng pananabik sa iyong mga halik
Nagdadalamhati ang mga unan sa aking silid
Tumatapon ang luha habang binabalikan ang banayad mong dampi

Binusalan ng patlang ang bawat pagdadaop
Embudong sinsala ang nginig ng kalamnan
Pinipigtal ang dilang sasambit sa nakabaong kalungkutan
Pinatsehan ang balisang nag uurirat sa simoy ng nakaraan

Wangis mo'y dahong tumitimpla sa aking pagkain
Pinabubukadkad ang kalaliman ng tinaklubang usig
Hinatulan ng bagyo ang bawat pagtanaw
Tinatarakan ng apoy ang pag-antabay sa kaligayahan

Tinuklas ng iyong titig ang mapusyaw kong anino
Payak ang pagrehistro sa estasyon ng paghinto
Pinababalik, nanunumbalik at nagpapaikot ikot lamang sa iyong ulap
Walang hanggang pagkauyam sa tinig ng ulan

March 30 2009