Ang buod

Ang buod



patawad hindi ako si Maria Clara

at hindi rin ako ang iyong Sisa

ang ako ay ako

binuo ng hapdi at kirot na dulot ng mundo

hindi ng ika-ilang ikaw sa mundo

kundi ng ako at ng aking mundo

ng pait ng aking mundo

ng talim sa bawat pag hinto ng aking mundo



Bawat galos ko'y tanda ng katapangan

ang armas ko'y ang aking kabuuan

Ang pagwawagi sa bawat pagkatalo

tropeyo ko ang mga naiwang bakas

sa mga pader na nakapalibot sa iyo

anino ko'ng papayong sa iyong gunita

bangungut na gagala sa iyong alaala

Nakalimutan mo kasing basahin ang babala:

wag kang lalapit, di ako ang iyong kaakitakit na apoy,
hindi lang ako nakakapaso ng daliri
nakakasunog ako kahit na ng dugo
nagliliyab na ang huling hibla ng aking buhok
wag kang lalapit,
kahit ako'y takot sa sarili ko
walang tubig sa aking mundo
sabay lamang tayong magiging abo

Magliliyab, magiging abo

at maninikit hanggang maging sugat

sa lahat ng pakay na gawing buo

Humihingi ako ng tawad

mas matigas sa iyo ang akala mong nagkalat na bato

mas matatag,mas buo, mas solido

ang bungo na humihiwalay sa aking mukha at pagkatao



Disclaimer: di lahat ng makata ay siyang persona ng tula
june 16 2008